跳至主要內容

愈食愈Fit在譚仔

俾個餐牌大家睇下,順便教下大家減肥先!

近幾個月,很多朋友都好喜愛到這家譚仔過橋米線,既然係咁,就睇下大家知唔知要點食先健康D。見唔見倒有咩配菜揀呢?

其實有時候,揀配菜時,都要多發問,我剛才就食咗...又係雞肉冬菇囉! 但係我同時都幫大家問咗D問題,首先,我問過佢D魚蛋係白魚蛋,唔係炸過嘅白魚蛋,所以算佢過關;第二個問題我就問佢,你D牛肉係咪肥牛尼架,佢就話係一片片的鮮牛肉片,咁就好囉~又多一個選擇! 我問完之後,阿姐就話:『咁你係咪叫牛肉魚蛋米線?』我話:『唔係! 我要雞肉冬菇墨丸米線!』我講完之後,佢面容有點像阿珍,可能佢覺得我運吉啦~問長問短又唔係叫果種配菜!

除咗以上兩款之外,雞肉、冬菇、竹笙、牛丸、火腿、九菜、芽菜、豬肉及豬潤都OK,不過選湯底要小心,最好要清湯啦! 但如果你的減肥進度不錯,都可以要10小辣嘅~

這是我今天的選擇,係咪好大碗呢?因為佢米粉太多,我今日同同事Share,所以你見倒嘅食物,係一開二的。




留言

匿名說…
施肥老師~
咁佢個米線係幾多份五谷呀??
我平時當三份對嗎???
匿名說…
我係 keep fit 中,而且比較好辣,湯底要麻辣(中辣)可以嗎?
匿名說…
我記得黃cc講過, 一碗譚仔嘅米線好似有5份五穀咁多, 所以我每次都叫佢哋少米線. :)
匿名說…
下..我15歲一餐要幾多5穀先夠? 我會食曬d米線咖喎...
1碗=5份五穀了,因為佢真係好好好大碗,如果想食哂,晚餐/午餐就要食少D五穀喇!而佢個湯底,如果愈多辣,脂肪會愈多,仲有湯底較咸,最好唔飲湯啦!
匿名說…
我想問下墨魚丸米粉係咪真係咁健康,上網睇卡路里偏低,又幾好食幾飽WO..
匿名說…
請問係咪唔可以揀酸辣湯底?
匿名說…
為什麼減肥不可吃辣湯底
匿名說…
我都想食墨丸, 但我個營養師叫我唔好叫;3;
Unknown說…
清湯係有乜嘢材料?有骨都會肥……如果有魚湯就好了
匿名說…
減肥中, 食普通嘅酸辣湯底可以嗎?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

有得食仲要有得瘦~

很久很久也沒有放上來,沒有看免費報紙的朋友還問我是不是有徒弟仔就不再講講座~ 了解我嘅朋友一定知我唔會咁做,因為這是唯一一個可以跟你們有得直接交流的方法,而且無講座果一個禮拜我會周身唔舒服的,放心啦~我愛我的工作,無論怎樣,我也會講落去,除非沒有人再想聽啦! 上面那個廣告中頭兩個講座已滿了,尚有以下兩個,是免費的,想聽就報名啦~ 留座電話係2891 0920 21/6 (二)九龍佐敦柯士甸道童軍中心1114室 27/6 (一) 銅鑼灣中央圖書館地下1號活動室 再一次多謝大家支持~

選擇障礙

今次,我終於明白咩叫選擇障礙... 一個星期前,我同大家玩咗個心理測驗,問大家生日嘅時候會揀咩餅?身邊的朋友都異口同聲話,原來都唔知點揀好。我都好明白,有時無得揀又唔高興,但當有得揀就仲煩,但當選擇多到成100種嘅時候,更加唔知點算?! 有睇我個Blog嘅朋友應該知道,一個月前,我係日本睇中咗一部單鏡反光機,但最後都無買,番到香港,d戰友紛紛問我,吓?!無買呀!做咩唔買呀!個相機咁cute!!唉!你哋真係好鬼衰,明明好辛苦先放棄咗,而家又攪到我囉囉孿! 好彩!我有個好好好好人嘅戰友係日本啫,仲咁啱有個friend月尾會去日本,哩d係咪叫緣份呢!但第二個問題又難到我,成100種配搭,我而家有好嚴重嘅選擇障礙,點攪呢! 個網頁好好玩,幫你襯色慢慢揀,幫下手啦! www.camera-pentax.jp/k-x/#/simulator/120101