營養師黃凱詩的生活點滴

2011年3月27日星期日

一小時的傑作

要泡製一餐健康餐,過程唔係好複雜,最緊要好味簡單同快就OK哂!但等食嘅時候係最痛苦嘅,所以最緊要係有D嘢塞住佢哋把口先,所以一定要有一個唔需要煮嘅前菜,今日這個是混合了吞拿魚、大蘑菇同沙律菜的柚子味沙律!

要好快咁煮一餐,事前的安排同計劃都好重要,因為有D菜式要用多D時間煮,所以要做先,有D食物呢!凍咗少少就無咁好食,所以Timing都係重要學問。

首先當然係同食物沖白白先啦!咁啱又係你呀阿菇!由於個沙律會落大蘑菇,所以夾咗佢先!

這個東西,很久很久之前都介紹過,佢係超級好用囉,放好佢,夾佢阿菇,5分鍾,禮成!

我最鍾意用佢煮魚柳,加黑胡椒,少許鹽,一夾,又食得,真係話都無咁快,仲要外皮脆卜卜,超正!不過這一味是最尾出場的,熱騰騰,更好味!

除咗前菜之外,今天煮的第一味是這個我最愛的薯仔洋蔥紅蘿蔔炆肉片,因為佢係用最長時間的,差不多30分鐘!你千奇唔好以為好複雜,簡單到死,切好D薯仔同紅蘿蔔先,記住想出尼見得吓人,佢哋大細最好差唔多。

當然仲有切半個洋蔥同3兩瘦肉啦!瘦肉就要用少少豉油醃好,跟住我會用白鑊爆吓薯仔同紅蘿蔔先,之後就大埋材料放入煲,再加半碗水同1湯匙豉油,炆佢30分鐘,有無留意我無用油呢!其實真係可以唔駛~

攪掂!!
其他唔駛教啦!當俾咗Idea大家,知明晚食咩啦!

睇吓有好多碟菜架,咁先叫均衡嘛!仲有呀!仲要食飯架!

8點開始煮,9點有得食,算係咁啦!

12 則留言:

匿名 說...

very nice.
WS

匿名 說...

我都想買那個爐呀!係邊度有得買!

匿名 說...

我都想買!

匿名 說...

飯後洗碗盤~>.<~

貓怪 說...

想知用呢個爐煎魚及菇要下油嗎? 可以係邊度有得買呢?

匿名 說...

可不可以不再用黑底配白色字,
非常難看。
睇了兩行,就無心機睇。

匿名 說...

我今晚聽你的講座,你真係講得好好,而且你今日好型仔呀!多謝你!

Cynthia (黃凱詩) 說...

那個烤爐牌子George Foreman
http://www.georgeforemancooking.com/c-2-small-grills.aspx
在香港的話,曾經見過永安有得賣,而我公司尚營坊也有出售,但只有最小巧的那個型號,是$290的!

Cynthia (黃凱詩) 說...

用那個爐是不需落油的!

匿名 說...

上環永安沒有賣!

匿名 說...

在尚營坊買了,用了十天多,超好用,已經試過很多在此手記中學的菜式,全部都very good !!! 又可配合小油菜單,無得彈。

hamsterbbhk 說...

我想問下哩,你果個夾菇機哩,可否用三文治飛碟機/夾餅機代替?