跳至主要內容

罐頭也有營

今天,參加了一個很有意義的活動。就是希望藉是次活動,呼籲大家珍惜食物之餘,亦希望大家在聖誕這個普天同慶的日子,能夠每人捐出一個罐頭,將溫暖送到一些家庭,我從來都覺得,分享食物是表達愛的最佳方法。
正因為這個原因,我今日就幫大會設計咗四款由罐頭食物為主的聖誕大餐,仲同郭晉安、梁祖堯及幾個受惠家庭代表,一齊煮一個用罐頭做成的健康營養餐。
睇吓我幾認真,不過其實我果款係最易做的。
就是雜菜湯喇!不過為咗營養更加高及飽肚,我加咗鐵質同纖維都好豐富嘅紅腰豆,仲有少少螺絲粉令佢飽肚D。



知唔知我同梁祖堯傾咩呢?因為我哋讚緊佢好勁,仲同個薯仔沙律隻蛋設計造型。薯仔沙律一直係我最鍾意嘅食物之一,不過有時懶烚薯仔我都好鍾意用罐頭薯仔架,做嘅方法好簡單,將薯仔壓蓉,然後同其他食材例如碎蛋、青瓜、吞拿魚等混合,想健康就加低脂蛋黃醬,就可以。


花了20分鍾,我哋就好快手咁做好四款食物喇!咁成功當然要來個大合照啦!


有白汁蘑菇三文魚意粉、吞拿魚菠蘿薄餅、薯仔沙律同我做那個雜菜湯,雖然好簡單,但營養價值都好豐富架。


活動完成之前,我哋就每人寫咗一句祝褔說話送俾食物銀行,我就希望這間銀行食物滾滾來,咁樣就更多受惠家庭喺個聖誕都收到溫暖啦!


睇下D小朋友收到禮物幾開心~ 


活動完成後,記者朋友都好關心罐頭食物的營養價值,但而家唔講住喇!明天再看報導啦!仲有我個專欄,都會講下罐頭嘅營養價值。
今日,仲公佈咗香港人五大最愛的罐頭,估下最受歡迎係咩罐頭?你哋一定估到,咪就係午餐肉囉!記者訪問期間,仲問咗我一個我都唔知點答嘅問題,有記者朋友問午餐肉點食會健康D?!好難喎!唔通叫佢減肥咩!我唯有話俾大家知,如果原本食午餐肉三文治轉咗水浸吞拿魚,都可以慳一半熱量囉!


好啦!講開罐頭,介紹一款新的給你們,就係這個茄汁沙甸魚喇!認清楚呀!這三款才是沒有加油的,加意粉一齊食,好好味架!


講住咁多先,雖然大家見我今日好似玩玩吓咁,但係今日真係累透了,但好充實嘅!

留言

匿名說…
請問在那裡買呢?

很喜歡跟你的食譜,但有時總找不到材料
小寶說…
我一直好鍾意食茄汁沙甸魚(>﹏<)
終於可以知道邊款健康d.....Y(^o^)Y
Thx~❣
應該在Taste or international 都可以找到的。
匿名說…
thx~終於有更新了^^
不過,
都係想妳有時間就留下來休息吓呢,
因為經常見妳工作至很夜,
而且總是很累的樣子,
近日天氣又濕又凍,
要多加保重身體啊~
加油喔!

zzz

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。