營養師手記

唔經唔覺，2010年，又走到去最後兩個月，與此同時，我個 講座，亦差唔多到尾聲，昨晚已是第42場了，這幾天，正努力計劃來年的種種，但未預告明年計劃之前，都要公佈下11月份的講座時間啦! 但亦想藉這次機會，多謝一位讀者朋友，我不知道你的名字，你是參加10月18日銅鑼灣講座的，講座後，你沒說什麼，只說了一句:很喜歡看你的專欄，但你知否，那天你這句說話，給予我莫大的支持與鼓勵呢~因為那個晚上，我的確好不容易控制我的情緒，才能為大家完成一個我認為是我有十足表現的一晚，真心的，多謝你。 好啦，說說11月份的講座就是了... 這是我的免費講座時間及地點 10/11(三)銅鑼灣中央圖書館地下1號活動室 11/11(四)佐敦柯士甸道童軍中心1030室 23/11(二)銅鑼灣中央圖書館地下1號活動室 24/11(三)佐敦柯士甸道童軍中心1030室 報名電話: 2891 0920

見唔見倒我好勉強咁，將幾粒指天椒加入去碗水餃裡面，幫佢點綴吓呢? 話說噚晚想介紹個小水餃俾大家，但自己又未食，諗咗一陣，決定打開雪櫃，睇下有無菜呀，烏冬等等襯吓碗水餃，等佢影張相好睇d啦，點知...原來雪櫃係百無，只係得指天椒，可想而知，我幾鍾意食辛辣食物呢?咩都無都有指天椒。 為咗試下佢好唔好味先介紹俾大家，我煮咗6粒(都係為宵夜找藉口，試味唔駛6粒啫，營養師~)，這是熱鍋上的小水餃...滾呀滾呀，高速煲係唔同d，唔駛10分鐘就ok，食得。 我曾經同大家講過，唔係種種餃減肥都食得架，因為好多都超肥，裡面有大大舊肥豬膏就慘啦，這個就唔同喇，半包成17粒都得1茶匙油，唔錯，仲要個皮夠薄嘛，正哂啦~唔駛成日食CP雲吞。 佢個樣係咁架，大約是9粒=1份五穀+1份肉啦...仲有一種係雞胸肉做的，熱量及成份相約的。 睇下，食落都好香，有好多種菜架，我見過Citysuper、marketplace 及高級版百佳即係international 、taste都有架。仲唔買就走寶喇~~

今日去咗間cafe食咗個Kim chi 烏冬做午餐，忽然令我想起，大家戰友有時煮烏冬嘅時候，想有D味唔駛咁悶，都可以加D Kim chi 做湯底架! 其實好簡單啫，放兩碗水煮烏冬，差唔多ok時再加kim chi ，我想個湯紅D再酸少少，可以加多個番茄煮，等佢收咁D水先上碟，就係一個番茄濃湯Kim Chi烏冬啦! 我平日鍾意食這個... 睇埋個營養標籤，脂肪就無喇! 但要小心有d會加麻油的，所以脂肪會多少少，不過用佢做湯底就唔好再加鹽喇! 這個小小盒的，已經有660毫克鈉，是一天需要的27.5%了。 唔好諗喇! 今晚就煮尼個啦~

或許是因為颱風襲港的緣故，忽然很想寫一點點的東西。 這篇文章，應在3個多月前寫下，可是一直也忙，但也不打緊，因為每一個細節、每一個感覺，仍是牢牢記著。 3個多月前，米路仔的尿尿問題令我苦惱，無論是床上或地下，什麼地方，也變成牠的沙盤，牠一向是一頭為食但乖巧的小貓，我從不認為，這是牠故意的惡作劇，或許我真的太忙，所以我嘗試多安排時間給牠，一星期過去了，隨處尿尿的問題時好時壞。 貓兒的健康，多反應在胃口及便便中，我嘗試多注意這兩個健康指標，牠如常地吃，還伸手到大毛的貓兜處偷食，胃好不只好而是極佳；再看看牠的便便，一切正常。 再多幾天，尿尿情況沒有大改善，還是決定帶牠到獸醫處。 獸醫陳醫生跟牠進行初步檢查，並輕按膀胱放尿進行檢驗，從顯微鏡下，看到一點點晶石，由於牠仍尿得出來，所以嘗試多飲水及服用藥物，看看能否解決問題。 隔了幾天，情況好像改善了，可是，就在世界杯決賽舉行那個晚上約12時許，米路仔不停在便盆打轉而撒不出尿來，尿尿的地方好像紅起來，我知道情況不妙，因為若貓咪尿不出，將有生命危險，於是我用九秒九，將牠再帶到獸醫處，獸醫確定牠尿不出，決定將尿管放入尿道，先行放尿再留醫用水定時清洗尿道，希望將阻塞尿道的沙沙石石帶走。這夜，獸醫告訴我，幸好我觀察力強，早帶牠來放尿，否則效果不堪設想。 這天，是兩年來，第一次沒有米路仔在家的日子，我跟大毛，都是千萬個不習慣，唯有希望牠早日康復。數天後，清洗出的水由佈滿微少沙粒，變成較混濁的水，但情況，其實是不太理想，但由於牠已尿得出，而且醫生不希望貓兒太長時間住在醫院，所以建議我還是帶牠回家，但此時的米路仔，雖然尿得出來，但仍在滴尿，當時的牠，不愛玩只愛睡，對什麼也提不起勁，看倒牠，心痛極了，突然令我想到，兒時的我，體弱多病，爸媽是如何擔心，此刻我深深體會。 一星期又過去，是覆診的日子，獸醫再用超聲波檢查，看到膀胱仍有反光的情況，相信是晶石，加上仍在滴尿，相信尿道仍有沙石，所以他建議用手術，徹底清除沙石。當時，我相信，這是最佳的治療方法，所以我簽過手術同意書，手術約在晚上進行，我望著小米路，牠用可憐的眼神望著我，我告訴他，很快會回家了。 那個晚上，過得特別慢，慢得好像停下來的，手術進行了1個多小時，護士致電我，醫生現正逢合牠的小肚腩，但看到膀胱佈滿很多沙石，而且膀胱紅得像蘋果，這是不正常的現象，該是發炎了，牠告訴我，醫生將會拿尿液去化驗...

係咪好心急呢?兩個鐘前，在facebook預告過，有正嘢介紹，就係佢喇! Freeze Dry 的水果，既不是炸的、又沒加糖(士多啤梨及peach例外，小心d呀!你只要吃看營養標籤後，要看一下配料表就知)，所以，悶悶哋嘅時候，作為小食，是不錯的。 但係大家唔好太興奮住，因為佢雖然沒有加料，但佢比原個水果，缺少了水份，所以生果中的糖份被濃縮了，所以對於keep fit朋友而言，每日最多可以食1包代替一份水果，但另一餐就最好食番個正正常常的飯後果了，最起碼，會飽肚點。但減磅戰友呢!因你們有餐單份量，根據營養資料顯示，1包約有15克碳水化合物，大約一份半的水果量啦！ 我昨晚喺studio就同戰友蔡煇煇試過蘋果，之前食過梨，今早吃過菠蘿，個人認為蘋果是正爆的，有全天然蘋果香，鐘意食甜品的戰友，無可能唔試。 最最最重要係，平囉...上星期在萬寧買，$9.x一包，昨天竟然用$19.9在吉豬島買咗三包，嗱!人快有手慢無~~

唔知大家覺唔覺得，無論係麵包、雞牛豬等各種肉類、甚至係三色椒等，只要押條格仔紋或者斜紋上去，就感覺特別好食。好似上面塊包咁，如果白雪雪一塊放喺度，咩食慾都大減。 係咪好想早餐個包都有幾條斜紋呢?今日就想同大家講下尼部肉類押紋機--(原名叫滋味烤爐)，唔駛買架，因為我打算送佢大家，仲要這個是絕版的，因為現時出嘅是沒有時間掣的啊! 所以我幾位同事都留咗部買返屋企。俾大家睇下先...佢好似原價成400/500蚊架。 睇下上面塊雞柳，個樣真係靚哂! 連青瓜都有押紋。點樣先可以得到?當然係玩遊戲啦! 但係你必需要 加入 我 Nutsdiary嘅facebook page，喺星期一晚，我會在facebook page問一個問題，最快答中就可以帶佢返屋企。 進入這個page www.facebook.com/pages/Nutsdiary/168200145689 在我同大毛張相右手面有個like字，按下再登入自己個facebook account就可以了。 佢真係好好用架，仲可以迫d油出尼，我鍾意用佢做Pita bread及English Muffin，用佢焗魚柳，再加少少黑胡椒，簡直係極品。

知唔知咩尼呢?香味茶包是也，好像是新品上市，芬芳的檸檬香，令人精神為之一振，你知啦! 有時喺Office悶悶地，又唔想飲增肥飲品，這些茶包真不錯。 左手就是有檸檬香的包包，好像是茶包界新丁，右手面的購自澳洲，仍未知香港有否出售，但那是薑味的，可保暖吧! 天文台說明天有涼意，多穿身，小心著涼。