營養師手記

希望大家看過今天的專欄後，可學會一點點吃火鍋瘦身的秘訣。或許你會問，有瘦身火鍋的餐單參考嗎？有，也希望大家合用。 這就是鴛鴦瘦身鍋 瘦身火鍋餐 蝦丸、魚蛋及牛丸各一粒 生蠔一隻或豆腐1/4磚 鯇魚片6片 手切牛肉6片（選瘦肉） 蝦4隻 半條粟米 半個烏冬 7扎芋絲 尚營坊的戰友們，這裡是3份五穀4份肉的份量啊！當然，還可以吃大量的蔬菜及菇菌，但緊記不要錯放在烚肉的小鍋中。 右圖就是放過響鈴的湯鍋。

終於來了，營養師的500卡瘦身食堂將會在12月8日，跟大家見面。昨天，我就先在BBQ活動內送出一本，讀者朋友不知多興奮，唔信你睇吓！ 當然啦！連作者自己都仲未有書，佢竟然有書？！哈哈～興奮完過後，當大家冷靜下來，番薯們一打開本書，就發現有些古怪！點解內容同上年本咁似嘅！其實唔係似，而係佢手上那本，A貨是也！古惑嘅我只不過叫編輯大人做了個新書封面給我吧！ 不過咁！都俾一頁大家睇咗先啦！我自己就好鍾意今年的設計，張食物相做大了的，當然希望吸引大家去煮啦！上年果本你又煮哂未呢？  這張全家幅是我決定新加進食譜的。沒甚麼特別的，只是一種設計，但其實這張相是在提醒大家，分享食物，一家人一起進餐，是分享愛的一種方法。很多東西，不是理所當然的，所外，就要懂得珍惜，不要吃輕每頓飯背後的意義。 不過一家人都有互相投訴的時候，不喜歡，就要出聲，好似大毛咁！牠不就是在投訴我只顧對稿。 但一本新書的推出，是不能沒有讀者的，所以我誠邀大家參加本星期六的《營養師的500卡瘦身食堂》的新書發布會，今年我們會同大家泡製幾款菜式，唔好錯過喇！ 報名方法可CLICK入下面海報或者海報下面條LINK．．． http://www.etpress.com.hk/etpress/supplementarticle.do?id=230&sectionId=3 真係好想當日見到大家，有時間就來啦！

今天，參加了一個很有意義的活動。就是希望藉是次活動，呼籲大家珍惜食物之餘，亦希望大家在聖誕這個普天同慶的日子，能夠每人捐出一個罐頭，將溫暖送到一些家庭，我從來都覺得，分享食物是表達愛的最佳方法。 正因為這個原因，我今日就幫大會設計咗四款由罐頭食物為主的聖誕大餐，仲同郭晉安、梁祖堯及幾個受惠家庭代表，一齊煮一個用罐頭做成的健康營養餐。 睇吓我幾認真，不過其實我果款係最易做的。 就是雜菜湯喇！不過為咗營養更加高及飽肚，我加咗鐵質同纖維都好豐富嘅紅腰豆，仲有少少螺絲粉令佢飽肚D。 知唔知我同梁祖堯傾咩呢？因為我哋讚緊佢好勁，仲同個薯仔沙律隻蛋設計造型。薯仔沙律一直係我最鍾意嘅食物之一，不過有時懶烚薯仔我都好鍾意用罐頭薯仔架，做嘅方法好簡單，將薯仔壓蓉，然後同其他食材例如碎蛋、青瓜、吞拿魚等混合，想健康就加低脂蛋黃醬，就可以。 花了20分鍾，我哋就好快手咁做好四款食物喇！咁成功當然要來個大合照啦！ 有白汁蘑菇三文魚意粉、吞拿魚菠蘿薄餅、薯仔沙律同我做那個雜菜湯，雖然好簡單，但營養價值都好豐富架。 活動完成之前，我哋就每人寫咗一句祝褔說話送俾食物銀行，我就希望這間銀行食物滾滾來，咁樣就更多受惠家庭喺個聖誕都收到溫暖啦！ 睇下D小朋友收到禮物幾開心～  活動完成後，記者朋友都好關心罐頭食物的營養價值，但而家唔講住喇！明天再看報導啦！仲有我個專欄，都會講下罐頭嘅營養價值。 今日，仲公佈咗香港人五大最愛的罐頭，估下最受歡迎係咩罐頭？你哋一定估到，咪就係午餐肉囉！記者訪問期間，仲問咗我一個我都唔知點答嘅問題，有記者朋友問午餐肉點食會健康D？！好難喎！唔通叫佢減肥咩！我唯有話俾大家知，如果原本食午餐肉三文治轉咗水浸吞拿魚，都可以慳一半熱量囉！ 好啦！講開罐頭，介紹一款新的給你們，就係這個茄汁沙甸魚喇！認清楚呀！這三款才是沒有加油的，加意粉一齊食，好好味架！ 講住咁多先，雖然大家見我今日好似玩玩吓咁，但係今日真係累透了，但好充實嘅！

先看圖片，明天再加點字描述描述～ http://www.dashichazuke-en.com/index.php 看到這堆食物，好肚餓呀！ http://www.dashichazuke-en.com/food/

用麵包機及親手搓的麵包有何分別？我會說，前者是為兩餐，15分鐘量度程序，按一個掣，就可以，用快靚正形容，絕對沒錯。而後者呢！你要付出時間、愛心、麵粉，還有預定一個屢敗屢戰的心態，你應該可以成功，但做出來的，可能是一個殞石包，比殞石還要硬的東西。選那個方法，真是很個人喜好。 其實還有一個方法，更快更方便的，拿10元8塊去超市，就可以。 但我選擇了用麵包機，今次奉上的是合桃包食譜，做出一磅麵包。 250克日清強力麵粉 140克清水 22克糖 20克牛油 25克雞蛋 50克合桃（我習慣先用白鑊中火烤約3分鐘） 2克鹽 3克酵母 上面兩張相當然是製成品啦！

隨著澳門分享會結束，新書的所有宣傳活動已經完成。在此多謝各讀者朋友的支持及參與。無言感激。為了感謝大家，我決定將一部很偉大的測肪機送給你們，如果你或你的朋友正被肥膏纏繞，就請你帶同這張換領劵找我們吧！有截止日期的，請留意。 想得到這張優惠劵，你可以到我的FACEBOOK PAGE下載。當你參加我們的尚營減重計劃時，請在當日出示那張很可愛的換領劵，就可以將他帶回家。 你只要CLICK入下面的Nutsdiary Badge,再LIKE我的 FACEBOOK PAGE，就可以下載那個優惠劵了。 Cynthia Wong likes Nutsdiary Create your Like Badge

每一年，就是期待這一天，2012年，我決定在這一天，暢快地吃過夠。   日期：12月1日(星期六)   時間：5:30PM-9:30PM   地點：西貢大網仔道早禾坑警 察康樂中心 集合時間：當天4:30PM 尖沙咀堪富利士道8號格蘭中心地下大堂(將有舒適旅遊巴 來回接送大家到燒烤場) 節目：大抽獎及遊戲，在遊戲中學減肥呢！當然，我亦會同 大家分享下我嘅KeepFit、養貓咪及寫書嘅心得。 食物：我們會準備有營健康燒烤套餐給大家，請放心，有健 康海上鮮，我會當天到西貢親自選購當造海鮮，但當然也有 唔健康的雞翼及腸仔，各式丸類及傻菇等...也有私伙有 營調味料。 人數有限，只限50人，一經報名，不能取消。 費用：每人200元(包括交通、場地及食物) 報名方法：10月19日(星期五中午12時)開始接受電 話報名，費用需於三個工作天內親臨尚營坊任何一間分店以 現金繳交，一經報名不得退款。報名電話：2992 0148