跳至主要內容

肥死人咩


忍無可忍喇!實在太多人問我lee枝棒減肥食唔食得,所以我唯有揭開佢嘅真面目,以免大家誤墮增磅危機。

首先,睇吓佢個成份先,這個是目前香港標籤法的標準,食物生產商需要按照食物中,各個成份的比重,由多至少排列,我手上面枝士多啤梨棒上的成份是:大豆粉、葡萄乾、牛油、砂糖、蛋、士多啤梨乾等等......仲有椰子乾同朱古力囉,見倒這個排列,唔駛我講大家都知咩事啦!有大豆唔係就代表好健康,牛油竟然排第三,咪即係食牛油棒棒,my god!!

再睇吓日本官方網頁的營養資料,1條30克嘅棒棒,有133kcal,當中有61.2kcal是來自脂肪,即有約1茶匙半油,即有46%的熱量來自脂肪。另外,仲有23%熱量來自糖份囉!如果減磅戰友想攝取133kcal,我寧願叫佢食10粒士多啤梨+1個加拿蘋果+1個奇異果,都係133kcal,133kcal其實已經係2/3碗飯,即大半碗飯喇!如果你食完正餐再食佢,即是食多咗大半碗飯啦!

留言

匿名說…
死啦!我以為好健康,日日食一條,原本有牛油成份,好彩有你咋!
匿名說…
咁係咪係無機會食正歺嘅情況(例如OT)下可以食佢頂下啊?
匿名說…
我以為佢好健康tim!
匿名說…
I've tried it once and consider the taste is too sweet.
Wendy
如果你減緊肥,就算OT都唔建議用尼充飢,如果你想有D甜甜哋又方便嘅食物,沒有添加糖的提子乾不錯呀!因為如果一種食物,熱量中有30%來自脂肪,也不太好吧!
匿名說…
NATURE VALLEY燕麥棒又點lei~???係唔係一都都好肥ga???

唔記得講支蘆薈都可以當hand cream 用ga~!:D
Sandy說…
嘩! 好彩無食, 一身汗
匿名說…
聽完講座喇!原來真係好好笑、好吸引同精彩。我相信你咁受歡迎,係你努力嘅回報。我開始明白,有時有心同無心真係兩回事,我一起要跟你學習,多謝分享。

你的師妹
匿名說…
我都以後好低熱量,點知望下個成份,見到牛油兩隻字,都唔知幾驚,好人好者,都唔會放D牛油入口啦!
匿名說…
oh no.. 等我重狂入貨tim~~ @.@
匿名說…
yes, the ingredients inside are not healthy enough..:(
匿名說…
Cynthia, 我今日見到佢標榜低GI
其實係咩?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。