跳至主要內容

激辛黑椒薄切薯片



正積極減磅又想食薯片,可以點算?

方法一:買包低脂薯片
方法二:自己整啦!唔識,《營養廚房》教你

買低脂薯片有咩要留意,大家可以跟住以下標準去揀,首先最緊要睇下脂肪含量,一般薯片,每次食用份量約為1oz (28克),而這28克內,最好含少於5g脂肪,即一茶匙油份,千奇唔好依賴包裝上寫上的x0% less fat,因為這只代表比一般大牌子的脂肪含量少,不一定是低脂的。

另一件事,就要睇下用d咩油,當然最好就愈少反式脂肪愈好,試下睇成份中,有無起酥油、部份氫化植物油等字眼,如果有,就即是含有反式脂肪啦!

最後就係要留意會唔會好咸,以每人每日2400毫克鈉質計算,每好一次攝取少於5%啦!即是少於120mg就最好啦,畢竟薯片都只係小食。

有多D時間又有心機玩煮飯仔,就跟住以下程序做。

1.買個靚薯仔先,最好就係新薯或日本薯仔,因為較爽口,適合做薯片;

2.然後用把較鋒利的靚刀,薄切薯仔,最緊要唔好去皮,留多D纖維;

3.跟住再用紙弄乾水份,再洒上黑胡椒及少少少少海鹽;


4.燒熱鑊,加非常少油,跟住俾D心機慢慢烘,得咗!


5.約15分鍾就可以了,咁就最健康啦!看看這幾片熱鍋上的薯片,睇倒都想食!
聽完《營養廚房》後,記得明天買齊材料,一齊做自家製薯片啦!

留言

匿名說…
妳失蹤咗咁多日(冇寫blog),以為妳真係番咗鄉下探親添!
匿名說…
村田san : "營養廚房" 係Cynthia 星期五晚係新城開咪嘅節目名嚟o架!
匿名說…
今日同朋友一齊做薯片,太美味了,我做了一個薯仔的份量,好開心,多謝你的分享
匿名說…
成日一到周五就唔記得聽番智識營人個節目, 多謝你間中提番下!
此留言已被作者移除。
匿名說…
依家有個可以切薯仔既容器,之後放微波爐叮...連油都唔使用可以做到...仲可以叮甘他apple等,係citysuper都有得賣..180...你搵下試下啦
匿名說…
如果放入焗爐得唔得?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。