營養師黃凱詩的生活點滴

2009年7月18日星期六

書展...好迫呀!


有部份讀者同我講,唔想去書展迫,又想買書,點算?

你可以上我公司訂,但可能要書展後才有書,下星期六前優先訂購,仲有優惠,無論如何,都想藉這次機會,多謝多年來支持我的讀者朋友,來年我會寫更多書籍及食譜,希望大家會鍾意啦!

另外,更多謝那40多位朋友的留言,實是令我又驚又喜,一時間簡直唔知點反應,你哋都知我慢熱啦!你哋每個留言,每一個電郵,我都會細閱,但請恕我未能一一回覆,但時間容許的話,我必定回應。

當了10年營養師,最大的喜悅,就是能認識素未謀面的你們,與你們一同踏上健康的路,共勉之...

12 則留言:

匿名 說...

預我一本, 星期一比錢妳, 唔該加送簽名! :D

匿名 說...

我等唔到,唯有入書展買!

winnie 說...

唔該我要初版+親筆答名 =)

匿名 說...

期待星期二的來臨:)

匿名 說...

點先有簽名書呀?

匿名 說...

明天上你公司訂先!

匿名 說...

想問,舊公司客戶是否也可以到你公司以優惠價訂書+親筆簽名呢?我想大量入貨送給朋友呢~又或你黎緊的講座, 有冇得買呢?如果係, 我立即去留位, 約朋友去聽呀~
tomato

匿名 說...

我唔係你client喎...咁我點比$$買書呀?

你努力呀. 我同一班朋友都好中意睇你既blog架~~ 每日返工做既野當然係睇你個blog先~入面真係有好多好useful既info~ thanks!!

Cynthia Wong 說...

簽名,無問題,舉手之勞啫!如果想買書,你可以親臨尚營坊於銅鑼灣及尖沙咀嘅分店,找我兩個好甜美嘅接待員落訂,如果想簽埋名,記住講低!

任何朋友,如果你老遠上公司訂書,那個優惠,當然留給你啦!但係優先訂購截止日期是7月25日,而且現在訂書,要書展後才取書呀!

真係好好好好好好多謝大家嘅支持!

匿名 說...

I have reserved two books today. Already a long list even though it's just the first day!

匿名 說...

很欣賞你的才華,我一口氣買了你數本書送給朋友,期待你的新作!

匿名 說...

我想問返前幾個passage d野呀. all bran 點計分量呀? 一碗係幾多分穀呢?