跳至主要內容

通便聖手


肚谷谷,坐廁所坐咗足15分鐘,條腸一D動力都無,可以點?

大家第一時間就會諗到;飲8杯水啦!食多D生果,特別係奇異果、木瓜同連皮的蘋果或者梨咪得囉!但係都唔得咁點算呢!

部份戰友應該聽我介紹過,萬試萬寧的方法--食全麥維(All-bran)包你條腸路路暢通,但係...lee種食物,唔係人人都接受到,因為都幾...唉!都好難形容,自己感受下啦!唔可以唔話俾大家知,45克,即是約1碗竟然有12克纖維咁多,咁你哋知點解一食就暢通哂啦!

近日同事介紹下,發現有一個較好的食法,就係放入咖啡入面,有少少炭燒咖啡味,但係切記放入去咖啡後,等d全麥維未腍之際,就要食,咁會較好。

留言

匿名說…
請問呢隻可唔可以日日吃咖?我試過一日中食番薯食得多之後肚瀉咗几日.睇中醫,話我唔适合食多殿粉質嘅嘢.咁呢d纖維豐富嘅食物又會唔會對我有影響咖?(順便講埋,我未肚瀉睇中醫前係有小小唔暢通嘅,2-3日先有一次.飲過中葯就正常返,1日有1-2次.)thanks~~
匿名說…
上面嗰位村田人兄,你又話西瓜汁好甜,咁西梅汁同益力多唔甜咩???雖然這盒全麥維無咁好食,但我覺得這個介紹不錯啊!起碼唔會日日一枝益力多咁肥!:>
匿名說…
好彩我都幾鍾意食啫~同埋佢都幾飽肚嫁!!!
匿名說…
千奇唔好用西梅汁呀?各位朋友,我之前日日飲,原來試過,甜得好得人驚,仲有肥咗5磅呀!小心小心!
匿名說…
上次你叫我食嘅時候都千叮萬嚀,俾定心理準備我,但係食落都唔係太難食,但係最重要係d宿便走唒,那個喜悅的感覺,未試過便秘都解釋唔到,你介紹放入咖啡,明早就試下。
匿名說…
下面的相片好似用來占卜咁,一舉兩得.
匿名說…
all bran 再加低脂乳酪同鮮果都好好味, 可以當甜品啊!
匿名說…
用凍脫脂奶會較好味,最好是即吃,會有凍凍地和小小脆的口感,不要浸太耐。

Winnie
et說…
hi..where can i buy it...?
匿名說…
上面0既朋友:
0係大型超市(百佳、惠康或吉之島)都有得買~大約$26左右一盒
匿名說…
但我見成份有糖,會肥嗎?
匿名說…
樓上朋友:營養師介紹0既你可放心食~
匿名說…
點解我連續食了2日都無反應?已經飲好多水啦, 點算?
有沒有運動呀!腸都鍾意做按摩,另外,一定係正餐有最多1茶匙油,滴油不沾都會排便困難!
匿名說…
我覺得都幾好食喎.all bran 點計分量呀? 一碗係幾多分穀呢?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。