跳至主要內容

減緊肥都食自助餐


前日,講座完咗之後,你哋估我去咗邊呢?

答案係,去咗食自助餐...那天是得力助手車厘子同金美嘅生日派對,上星期問金美想食咩,佢即刻就話:『生日飯?緊係食自助餐啦!』後來我諗咗一秒,以金美嘅性格,即是唔蝕底同慳得一蚊得一蛟嘅優點,係人都估到佢會揀自助餐啦!仲問...

但係唔知大家有無發現一件事,你個金美同事好似減緊肥,仲食自助餐?!

其實減磅計劃進行時,有好多戰友都有大大小小嘅應酬活動,只要唔係出現得太頻密,營養師應該可以幫你急救嘅,當然食嘅時候唔可以咁狂啦!

我食咗D咩,老實講我個人唔太好自助餐,又或者係因為我個胃比正常人細,去食自助餐,實比人話蝕哂底囉!想唔想知有幾唔底呢?好!嘗試記下個飲食日記先!

兩碗自選靚粥、5隻凍蝦、1隻生蠔、1碗沙律同雜果、1個自己做的格格餅同最重要嘅1球哈根大師雪糕...係咁多 (唔係啩,食粥?!)

俾張相大家睇下,間酒店餐廳有得自製格格餅,那天我兼職做小廚師,佢哋d靚靚格格餅全部都係我泡製。

留言

匿名說…
點解張相唔見咗金美?
匿名說…
你公司會唔會請人,見到你哋咁開心,我都想加入,我做你助手都得架!
匿名說…
哈哈.....因為我唔鍾意食甜野囉....所以張相唔會見到我出現.....更何況我驚我一出現你地會愛上我,日日都要上個BLOG度望一望我張相呀......你知啦...我咁NICE.........哈哈哈哈哈哈....係唔係好好笑呢....

金美^o^
匿名說…
好飽呀! 好彩今日冇食下午茶啫~~~
金美小姐: 妳嘅甜美, 所有Cynthia嘅讀者都知喇,妳唔出鏡係啱的, 因為如果妳入埋鏡,張相會好迫囉! 快啲再提起勁陪我去揾Aaron! :D
匿名說…
呵呵......我係唔會中你計...你咁講咪又係無非想約我去搵AARON,想見我面之麻.....哈哈

金美^o^
匿名說…
Cynthia 將會殺咗妳同我,咁我哋三個人可以一齊見報&可以出埋樣喇! yeah~~~~~ :D
匿名說…
哈哈..............佢唔會無拉拉殺左我架....如果佢殺左我就唔會有咁多笑話架喇

金美^o^
王師奶說…
我都想見識下金美小姐呢!哈...

阿yu
匿名說…
哎呀!我係tst既客, 咁真係無機會見到你盧山真面目啦! 祝金美小姐生日快樂&磅數快落!:p
嘩~好開心咁噃…
睇來都係時候對我嘅減磅大計重新出發嘞
幾時可以搵你先?
匿名說…
今時今日仲有咁好嘅老細,俾你名正言順係工作時間上網,你都好幸福啦金美!
匿名說…
金美,在此祝您生日快樂呀!祝您身體健康、心想事成!日日笑口常開!我好掛念您那喜悅的聲音呢! All the best with love
Glendy
匿名說…
其實....個自助餐晚宴好似都係幫車厘子慶祝生日o架, 點解比肥美唔去揾Aaron 嘅金美搶哂鏡?!

甜美嘅車厘子 & 一樣咁甜美嘅金美: 生日快樂呀! :D
匿名說…
上面再上面位朋友,今時今日無咁好嘅老細喇!我正想問金美點解返工時間可以上blog呢?我諗她工作效率實在極高,或許聽日要將她的工作加倍吧!

金美的上司
匿名說…
唔好喇,金美上司. 其實金美都真是幾忙同幾勤力呢. 她爽朗的笑容和親切的態度都是工作呢架. 你地公司上下真是好開心依家好少公司員工可以開開心心工作呀!
金美小姐, 祝你日日咁開心, 咁靚女,日日咁苗條! (唔好意思是遲了,好個無講呢)
Clara
匿名說…
金美的上司,
你唔好咁對金美小姐呀!其實某程度上佢都令到黃小姐個blog收視率上升, 我地愛屋及烏, 愛及黃小姐及她身邊既同事(包括車厘子,金美及金美上司你啦).
匿名說…
哈哈....Cynthia係你個blog度見到有咁多人同我講生日快樂,真係呢....搞到我唔係咁好意思,好難為情架麻....你知啦我幾怕(醜)先得架...哈哈哈哈...不過我都多謝謝謝謝...咁多位...哈哈想見到我好易姐,你上黎CWB咪可以見到我囉....不過都係果句,{我咁Nice,我驚你一見過我之後就.......哈哈}
---D小姐...我依家都唔係好肥美姐......>o<
金美^o^
匿名說…
肥美: 妳又開工時間上網,係唔係妳上司仲未比嘢妳做? 小心佢哋罸妳星期六去洗廁所! ^~^ :D
匿名說…
影到jessa好可愛呀~haha

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。