跳至主要內容

續...

睇完今日個專欄,你好期待嘅,係那個內服的美顏保濕食譜,定係想知我個貪靚旅伴,行咗唔知幾多間藥店搵嘅外用化妝品叫咩名呢????

老實講,一定要雙管齊下嘅,當然若果你天生麗質就更好啦!好似我咁...hehehehe!

講咗內服先啦!顯得好似比較重要!!今日做一個番茄豆腐肉片湯飯(二人份量)。

準備好材料先啦!
番茄兩大個(切件)
肉片160克(用少許豉油,鹽,生粉同胡椒粉醃好先)
清雞湯125毫升
豆腐1磚(切細件啦!)
白飯兩碗

做法:
1. 先將D肉片同番茄炒好先,記住落1-2茶匙油,咁先有脂肪酸同維他命E架,而且維他命A會吸收得更好,
2.炒完之後加清雞湯同水約2杯,最後加豆腐,大火煲約20分鐘,
3.跟住要加飯,做成湯飯,OK哂!
4.最好有一個維他命C好高嘅飯後果啦!即係士多啤梨呀,奇異果呀,木瓜呀等等啦!FINISHED...

我諗大家好心急想知咩牌子化妝品咁緊要啦!日本朋友話好多人都讚,叫做CANMAKE,最緊要係好平囉...實不相瞞吖,真係好正,如果唔係我一定唔會同大家講,另外,仲有好介紹,下次去日本,記住記住買埋哩枝SPRAY,日本朋友又話每個日本人,無論男男女女,一定有一枝看門口架!不過講樣好激氣嘅嘢俾大家知吖,上個禮拜,我無意間行過Citysuper,俾我發現竟然有那個化妝品牌子,等我仲係日本行咗幾條街幫個friend搵!不過未見到枝SPRAY嘅蹤影!見到唔該話我知!

最後,都係個句啦!飲多D水,皮膚就會健康D啦!係咁先,好眼瞓喇!

留言

匿名說…
我12月去北海道呀,唔知有無得買呢????
匿名說…
真羨慕你經常去日本, 日元高企, 我遲D先會去. 這個湯飯一定Oishi, 我想試吓用一個溫泉玉子代替肉片, 因為夜放工, 無時間醃肉呀!

我知道香港一些千色店也設有Canmake 專櫃.

Bonnie
匿名說…
唔怪得知你去完個日本返來,成個人都靚哂啦!原來又內服又外敷,哈哈!
匿名說…
等我今晚煮這個順便去citysuper買枝粉底先!
匿名說…
呢個牌子之前屈臣氏都有呀...
Starry說…
好平即係幾多錢左右呀? 日本及香港分別賣幾多錢呀?
匿名說…
唔好意思,我想問燕麥片同即煮燕麥有咩唔同?
同埋燕麥有無分低卡低熱量個d??可以介紹邊隻燕麥o岩減肥食嗎? 唔該晒
匿名說…
Wow!多謝你的鬼馬介紹囉!買了這個今晚煮!
匿名說…
Canmake先前在屈臣氏是舊裝,後來沒再代理,是上年開始在CitySuper的Log-On中再有counter,不是每間Log-On都會有的,在又一城那間Log-On有較大的專賣櫃,在尖沙咀跟沙田的沒有。 ^^

Tracy
匿名說…
你個專欄真係越來越攪笑,忍唔住都上來留個言!

Joan
匿名說…
原來呢個牌子咁hit ga!一講大家都試過,仲話俾我知香港周圍都有得賣,總知唔駛要Cynthia走幾轉,唔駛掃咁多貨啦!不過我真係覺得幾好用,好貼面囉!好過用d名牌字,仲有d指甲油都好好,唔會敏感又唔會咁容易甩,之前我用chan...el的都會敏感的,又平好多,真係超值!:>

文章中的Bonnie
匿名說…
我今晚都即刻試咗,仲俾我個蝦子餅話我迷偶像迷到傻咗,哈!不過都幾好笑吖,今日仲煮咗個番茄豆腐湯俾老公一齊食!

Yvonne
匿名說…
點解仲未有新嘢睇嘅??好心急乎!
匿名說…
我噚晚開始已refresh咗好多次!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。