跳至主要內容

度稿的日子


死啦~今日用咗咁多腦汁,D白色嘅頭髮一定快高長大。
明天係好忙碌的一天,一日竟然有兩場講座,最大件事係其中一個講座係一間私人公司邀請嘅,所以我安排咗一個為佢哋行業度身訂造嘅新題目,咁咪又要度新稿囉~你知啦!我個人古靈精怪,都想個講座生動D,唔想大家釣魚,所以每次都做好多資料搜集,如果唔係自己係度講笑,大家又唔識笑,感覺好難受架!
係呀!俾個最新消息大家,個減肚腩講座會進入最後倒數階段,唔計星期五同下星期一那場,會係最後4場喇~如果你或者朋友未聽過,就快D報名啦!講住咁多先,我要努力背書,準備明天的挑戰,大家一齊加油啦!

留言

匿名說…
吓!我未有時間聽喎!下個月搵一日放假聽啦!但幾時係講座呢?我要請假!
匿名說…
期待你另一個talk show!
匿名說…
我都想問下個月幾時有講座呢~
我月中放sem break,
到時就有有時間來聽啦~

我今天都完成左一個presentation~
明天你要加油~
匿名說…
很欣賞你對工作的認真,能夠令一個營養講座如此精彩,你一定放了不少心機,我聽過兩次,仍然回味!明天要努力呀!
匿名說…
add oil ar!! ADD OIL!!!
匿名說…
原來網友真的沒介紹錯,我覺得今晚很開心,你的感染力真利害,真被你感動了,希望下星期會見到你,開始我的減磅路啦!
匿名說…
我聽完你個講座,返屋企睇你blog睇到而家,原來咁好睇,發現你真係好可愛,唔只係你個講座,原來你寫嘅嘢都係,咁鬼好笑!我以前無睇你個專欄,點先可以重溫??你真係好好人:)

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。