死啦~今日用咗咁多腦汁，D白色嘅頭髮一定快高長大。
明天係好忙碌的一天，一日竟然有兩場講座，最大件事係其中一個講座係一間私人公司邀請嘅，所以我安排咗一個為佢哋行業度身訂造嘅新題目，咁咪又要度新稿囉~你知啦!我個人古靈精怪，都想個講座生動D，唔想大家釣魚，所以每次都做好多資料搜集，如果唔係自己係度講笑，大家又唔識笑，感覺好難受架!
係呀!俾個最新消息大家，個減肚腩講座會進入最後倒數階段，唔計星期五同下星期一那場，會係最後4場喇~如果你或者朋友未聽過，就快D報名啦!講住咁多先，我要努力背書，準備明天的挑戰，大家一齊加油啦!
7 則留言:
吓！我未有時間聽喎！下個月搵一日放假聽啦！但幾時係講座呢？我要請假！
期待你另一個talk show！
我都想問下個月幾時有講座呢~
我月中放sem break,
到時就有有時間來聽啦~
我今天都完成左一個presentation~
明天你要加油~
很欣賞你對工作的認真，能夠令一個營養講座如此精彩，你一定放了不少心機，我聽過兩次，仍然回味！明天要努力呀！
add oil ar!! ADD OIL!!!
原來網友真的沒介紹錯，我覺得今晚很開心，你的感染力真利害，真被你感動了，希望下星期會見到你，開始我的減磅路啦！
我聽完你個講座，返屋企睇你blog睇到而家，原來咁好睇，發現你真係好可愛，唔只係你個講座，原來你寫嘅嘢都係，咁鬼好笑!我以前無睇你個專欄，點先可以重溫??你真係好好人:)
發佈留言