即食麵vs燕麥片

原來果個節目，都有咁多人睇!由噚日到今日這一刻為止，我接二連三聽到有戰友問:『點解1碗燕麥片嘅熱量會高過1碗即食麵?』

首先，我無睇，唔知佢有無交代點煮，但據昨晚喺節目中steven話我知，咩背景資料都無講，所以，我忍無可忍，點都要再講下，如果唔係大家真係走去朝朝食即食麵就死得人多喇!

如果大家份量相同，都係一碗咩都無加的食物，只有一個原因，碗燕麥嘅熱量會高過即食麵，原因係，碗燕麥片係未煮囉! 1平湯匙的燕麥，約等於34kcal，如果要盛載1碗的話，最少都要加15湯匙，即是510kcal，而1個即食麵，唔同牌子的熱量分別如下：

辛辣麵509kcal
公仔麵454kcal
一丁麵463kcal
福字麵510kcal

記住，以上的資料是以1個計算，佢哋大小不一，所以唔好以為公仔麵熱量低D。
咁...大家明啦! 三色台呀!邊有人淨食15湯匙未煮嘅麥片架，用6湯匙煮都大大碗啦，咁取巧，你就解釋下啦!知唔知有幾多人信以為真，問我D同事應唔應該再食燕麥呀?!?!?!?!?大家知點解我今朝要降火啦!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!