跳至主要內容

即食麵vs燕麥片

原來果個節目,都有咁多人睇!由噚日到今日這一刻為止,我接二連三聽到有戰友問:『點解1碗燕麥片嘅熱量會高過1碗即食麵?』

首先,我無睇,唔知佢有無交代點煮,但據昨晚喺節目中steven話我知,咩背景資料都無講,所以,我忍無可忍,點都要再講下,如果唔係大家真係走去朝朝食即食麵就死得人多喇!

如果大家份量相同,都係一碗咩都無加的食物,只有一個原因,碗燕麥嘅熱量會高過即食麵,原因係,碗燕麥片係未煮囉! 1平湯匙的燕麥,約等於34kcal,如果要盛載1碗的話,最少都要加15湯匙,即是510kcal,而1個即食麵,唔同牌子的熱量分別如下:

辛辣麵509kcal
公仔麵454kcal
一丁麵463kcal
福字麵510kcal

記住,以上的資料是以1個計算,佢哋大小不一,所以唔好以為公仔麵熱量低D。
咁...大家明啦! 三色台呀!邊有人淨食15湯匙未煮嘅麥片架,用6湯匙煮都大大碗啦,咁取巧,你就解釋下啦!知唔知有幾多人信以為真,問我D同事應唔應該再食燕麥呀?!?!?!?!?大家知點解我今朝要降火啦!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


留言

匿名說…
我都有睇那個節目, 當下, 我想可能係碗燕麥片加了煉奶, 所以令佢的kcal高了. 不知對或錯呢?
Ching Yu說…
唔怪得要食龜苓膏啦! 睇黎要飲多杯廿四味先夠撲火喎!
匿名說…
明曬啦~^^
多謝你解開疑團~
我報左名下星期6黎支持你啊~!
匿名說…
係囉...我一睇到時我都呆左...然後諗左好耐.....諗左好多原因比佢:係咪因為佢加左好多糖好多煉奶去煮/燕麥片比即食面熱量高但脂肪低..所以佢會咁講呢...... 好在黃詩詩你解左謎姐!! 我放心了~
匿名說…
我睇完節目, 即刻嚇到傻左, 呢兩日都唔敢食燕麥....
之前我想, 如果你有睇便好了, 那便可以解釋給我們知道
嘻, 今天便看到你的post..
好彩無誤聽讒言去食公仔麵ja...
多謝你的專業意見 !
匿名說…
Cythina, 您解釋得對架, 因為在電視機前嚴重誤導觀眾. 傳媒愈來愈不分清紅皂白去剖析問題.這是現今社會大趨勢, 這個觀點連傳媒人亦直認. 唉!學生更難分辨是非黑白呢!!??!!
Clara
匿名說…
我都覺得奇個答案唔係即食麵, 你可以上tvb.com睇返個節目, 聽你解釋完真係覺得條問題取巧囉!
Fabulous Jay說…
我睇完個節目火都黎~~真係令人誤解晒, 超錯 !!!!!!!!!!!!!!!!!!!
kakapig909說…
我想問下, 咁我早上用yogurt 加麥皮一齊食, 正確嗎.... 但係唔知點解次次食完麥皮之後, 都會好多胃酸向上湧... 點解呢...???
匿名說…
I consider, that you commit an error. I can defend the position.
匿名說…
It is time to become reasonable. It is time to come in itself.
PanLa說…
唔好講笑,真係有人信GA :(
有人真係唔用腦睇電視GA。
PanLa說…
唔好講笑,真係有人信GA :(
有人真係唔用腦睇電視GA。

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。