跳至主要內容

小心湯作怪 (續湯水篇)

講件真人真事俾大家知,上星期日,返屋企食飯,當然有阿媽靚湯坐鎮啦!

唔知點解,唔知係咪我倆母女心靈相通,佢果晚竟然係煲粉葛湯,哈!有無咁啱先,我個專欄份稿就星期六寫嘅,寫完就即刻有得飲。好彩我有quota...因為昨天在專欄提過,用植物根莖食物熬湯,湯水含有碳水化合物架!

點知飲飲吓!發覺有d浮油,我當然問下啦!阿媽就話,已經用豬腱,無用豬骨。但無理由...真係有油喎!於是,出廚房睇,點知俾我見倒有件腳趾半飄浮,你話係咪俾阿媽激死吖!

在營養學角度,湯水中,營養素不是太多,但視乎湯料,有機會含有碳水化合物及脂肪等,若然有蜜棗紅棗調味,仲有羅漢果的話,就更甜,即含有糖份了。

所以戰友們,湯水容易令你增磅不自知,所以緊記告訴營養師,要不然,就會大大影響營養師安排餐單時的判斷了。

留言

匿名說…
同阿媽up到口臭, 都仲係要用腳指, 骨, 腩黎煲湯, 佢話煲完已pit開d油, 查實咁樣係咪都仲係肥呢
tinatso說…
我都好鍾意飲阿媽靚湯,但又唔想影響體重,係所以都係飲湯先食飯....不過咁樣會唔會影響消化的??因為我腸胃成日都唔係咁好...
其實阿Winnie伯母都真係係星期日晚煲咗呢個靚湯,你係咪私底下同佢聯過無話我知?定係你同佢心有靈犀呢?
匿名說…
你好,我很喜欢看你在AM730上的专栏.我大概1.63米,体重115磅.我一直想减肥到110磅以下,但却始终瘦不下来,我的一日三餐中早餐和中餐都会吃(不太吃肉),不吃晚饭,一般吃点水果或者喝点燕麦.一周运动两到三次.我觉得我已经吃的很少了,却始终瘦不下了,但只要某天晚上有聚会稍微吃多点,就能重2-3磅,实在很郁闷.你能告诉我是为什么吗?我该怎么做.十分感谢!
匿名說…
我以前減磅其間,都以為食咗一碗湯渣(粉葛)可以當做一份蔬菜, 當知重咗先至知衰咗 :)
Michael Chan說…
"仲有羅漢果的話,就更甜,即含有糖份了。" 很多網上文章說羅漢果嘅糖粉係天然代糖,究竟係唔係呢?

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。