煲仔飯

有時候，懶起上尼，真係想將咩材料一齊放入煲，等佢一鑊熟，你話幾好，半個鐘後，就食得。

準備吓D材料先，今日想做肉片蒸菜飯，所以這裡有約120克肉片，半碗白菜仔及4隻乾冬菇，還有少許乾瑤柱、少許辣椒，這兩種材料是用來增加味道的。

首先，當然是切切切的工序，豬肉要切片，用豉油及多用途香草調味料醃好，冬菇切絲，白菜仔都係切絲，落唔落辣椒就自己決定啦! 我無椒不歡，所以點都要落...2隻咁多啦!

泡菜是前菜，看看成份若是沒有油就可以，有些配方會加麻油的，要小心，但泡菜的問題，主要是鈉質偏高，看看成份就更安全。

一切準備好就煮飯...

材料幾時落呢?經驗告知，個飯煲噴煙就可以落其他材料，但記住，菜要後加，約於加入材料後5分鐘，如果唔係，就會黃哂~

這就是未加菜之前的情況。

加完白菜仔，煮多一陣，伴勻，加調味，約1湯匙豉油啦! 如果唔係就無味喇^^

得咗!香噴噴的肉片蒸菜飯完成了，又簡單又方便，最重要係唔洗洗鑊嘛! 懶得你吖!