營養師手記

今天，就是在懷舊，腦海充滿著回憶。 中午，陪伴著爸爸媽媽，還有小妹到這家老店嘆茶，這裡充滿著昔日的回憶，還記得仍是幼稚園生的我，每個早上，就是跟外婆在這類茶樓飲早茶，那時候不是用茶壺的，就是這些焗盅，今次再用，雞手鴨腳，整個枱面滿是茶...很狼狽，別管了，懷舊就是這樣。 除了這個充滿回憶的焗盅外，還有這個小袋子，我仍記起外婆就是用這種袋子盛著蝦餃皮給我，千萬別以為我打錯字，我真的喜歡吃蝦餃皮，由細到大，我都是給蝦餃皮湊大的，那裡來這麼多蝦餃皮?很簡單，任何屋企人，均會將蝦餃皮交給我，於是我就是這樣被寵壞的，Haha...沒辦法啦!第一粒孫! 這個場面，相信要列入保育名單之列，快d喇! 無得食喇! 好不容易，搶了這個，小妹說要吃近邊的，你們說是不是，但上一次吃這個，已是20多年前的事! 2010年4月走到中環，又怎能不到這地方，老實說，未看 ，又不是在這環境長大，相信只是湊熱鬧吧!我的感覺，應沒有羅啟銳深... 但，除了這個...我也是在這個小盆子游水游大的，看清楚一點，我那個應比這個大呢?因為我是一個加加大碼BB，看不出吧! 拍了一張照片留念!就是到此一遊。 香港也有很多值得遊覽的地方，或許是平日太忙碌，沒有時間看真。你們的假期又怎樣呢?

嗱!唔好以為我又叫大家幫我換印花，所以又Post尼張相上尼，其實我今日想講吓輕鬆同幽默感嘅問題，不如就由7-11開始，不過這間是台灣的7仔。好...見唔見倒左手面個雪櫃有D咩? 咪係三文治囉!但係這不是普通三文治咁簡單，佢係一份雙拼三文治，仲要色彩都好繽紛吓!我經常覺得，香港人經常匆匆忙忙咁，如果生產商花多D心思，將簡單一份三文治做得吸引D，我相信大家就唔會經常覺得食三文治係挨囉! 我記得上次我去東京，又係見倒一份放係7仔的三文治，覺得佢好靚，最後買咗嚟食添! 再睇吓這些牛奶，我哋會經常見倒，無論日本、台灣都有見倒一D繪本在包裝上，大家睇落去，都有輕鬆嘅感覺啦! 其實好多時做一件事，真係要放個心入去，唔係成日只看短期利益，香港人就是貪快，生活中忽略咗好多嘢!又唔懂得放鬆，唉!何苦呢? 近日愛上了一首歌，是陳Eason的陀飛輪，那些歌詞，很有意思，節錄給大家看!是黃偉文的詞~ 勞力是無止境 活著多好不需要靠物證 也不以高薪 高職 高級品 搏尊敬 就算博到 伯爵那地位 和蕭邦的雋永 賣了任性 日拼夜拼 忘掉了為什麼高興 曾付出 幾多心跳 來換取一堆堆的發票 人值得 命中減少幾秒 多買一隻錶 秒速 捉得緊了 而皮膚竟偷偷鬆了 為何用到盡了 至知哪樣緊要 希望大家過一個好hea...嘅假期啦!

話時話，有時真係要補吓!點補?補得尼仲要好食，喺邊度搵，深水埗囉!哈! 咖啡粉麵又有幾補呀?原因好簡單，就係因為這碗補湯米粉。豬潤牛肉米粉也。減肥都食得! 今日愚人節，你一定以為我講笑啦! 減肥都食得豬潤，相信大家都誤解咗好耐，豬潤其實並不高脂肪，二兩豬潤只有2克脂肪，同瘦肉差不多，佢只係膽固醇高啫，所以大家要分清楚，二兩即約8片豬潤，有177毫克膽固醇，所以間中食吓，無傷大雅，佢仲要好鬼高鐵質，二兩有9毫克，已經係一日建議量的一半喇，都唔知幾鬼補血。但這碗份量太多，我吃畢所有牛肉，只吃4片豬潤，但個豬潤水好鬼好味~ 不過如果有痛風或高膽固醇的話，就少食喇!

真係好想抱抱小熊貓!

這一星期，前前後後有多位戰友完成計劃，我的感覺，有點怪怪的。 入行超越十一個年頭，這種感覺，應可說是十嘗八九，但總是有點不捨，每次當戰友完成計劃，應該是值得高興的，因為她們已趕走脂肪，尋回健康，但是那種親密的關係，就像完了，老實說，那種感覺，就是忐忑。 今日，這種感覺再次湧上來，我告訴她:這是每後一天的會面了，要學會Keep fit!說罷，她定神望著我，不發一言，但我知道她心中確實有點不捨，畢竟，我倆一同經歷了一場人生的重大改變，曾經在減磅路上分擔扶持，戰友經常告訴我，見你的時間比家人還要多，你所知的秘密，連男朋友也不知，那種關係，的確是非一般的，但是，老土點仍要說，天下無不散之筵席，人生就是充滿離離合合的，一件事的終結，或許是另一階段的開始。 經常有剛開始減磅的戰友這樣問我:減磅後體重會否回升，你當然會以為我定必會答:不會!但我可以告訴你，這個世界沒有減完不再胖起來的減肥方法，會否復胖，問題在於你!前期工作(即減磅過程的速度，我已為你控制得最好，確保減去的是脂肪，可令復胖的機會減少了)，問題是，減磅完成後，你減磅過程學會的，你是否銘記在心，懂得管理好自己，所以Keep fit就是另一個階段的開始。 兩星期前，在公司營養師例會中，同事分享了一件事，他告訴我們，在渣打馬拉松的當日，他在公仔箱看見她的舊戰友，她正在接受訪問，講述跑得辛苦嗎等等...她在鏡頭前說:已習慣了，跑步是一種享受，鏡頭前的她，10年後，依舊保持著昔日的窈窕身型，這位同事告訴大家，幫戰友減掉體重，最大的喜悅，不是那堆冷冷的減磅成績，而是過程中大家所學到的，對方是否能受用終身。 完成了計劃，只代表另一個階段的開始，你仍可在這裡瀏覽、留言，有時候我在面子簿中，看到有些已完成計劃的舊戰友在留言給我，我是多麼高興呢!Keep in touch，有時間的話，我會安排多些活動，讓大家能重聚，保重! 送上我最愛的燈塔，因為燈塔永遠就在指引正確的路。

唔好誤會，我唔係話大家係茶煲...trouble，我只係想講吓，尼班村民，如果你唔係好明我講咩，好簡單，因為你係80後囉，上個禮拜，行經7仔...嘩! 成村人出哂嚟，我...當然都係喺天神村大啦!見倒佢哋，都幾有親切感。但係有樣嘢唔係好記得，個茶煲係邊個屋企呢?有無人可以話我知? 講開個茶煲，剛才為咗攞印花，去咗7仔買咗佢哋，近日都同好多新戰友傾過偈，發現原來好多朋友都唔知忌廉有zero版，而且佢仲有一個新成員，係蘋果味，好唔好飲?我剛才為咗同一個正準備考試嘅戰友打氣，送咗枝俾佢，佢係我面即刻飲，都讚佢好飲。 介紹得，當然唔只咁少啦! 上幾個月都介紹過，不過多咗個青寧味，個樣好清新啫，而且在market place/citysuper都搵到佢，口渴時又多個選擇啦! 我仲想講多一樣嘢!多謝哂大家對我個專欄、個blog同facebook fans page的支持，fans page人數已超越500了，之前提過，會有一個有獎活動，送出部測肪機，我決定個遊戲會係4月12日同大家一齊玩，公平d嘛!我知有好多戰友去咗旅行，所以4月12日前，你成功登入nutsdiary facebook fans page的朋友，都有機會得獎，總之，緊貼住這個營養師手記，就隨時都有驚喜。 Share

Pillow pillow! 你係咪好攰呢?幫你按摩吖! 而家都唔知邊個先係主人，我都好攰，又唔見你幫我按摩，不過算啦!你都一邊按一邊瞓，我諗你頭先跑完步，踢完波都攰喇!