營養師黃凱詩的生活點滴

2011年1月27日星期四

桂花紅豆糕


差點忘記送這個食譜給你們,今個週日,買定材料,一起動手製作吧!

桂花紅豆糕

材料 (4份份量):
紅豆 80克
椰汁 100毫升
杞子 15克
桂花乾 15克
代糖 30克
魚膠粉 40克
熱水 250毫升
清水 4杯

做法:
1. 將清水用慢火煲紅豆約1小時至稔身,備用。
2. 將魚膠粉溶於40毫升熱水中,備用。
3. 浸杞子於熱水中約10分鐘,倒去熱水備用。
4. 浸桂花乾於熱水中約10分鐘,備用。
5. 輕手拌勻椰汁、紅豆、3湯匙紅豆水及一半代糖,再拌入一半魚膠粉溶液。
6. 於桂花水拌入餘下的魚膠粉溶液,最後加入另一半代糖,拌勻。
7. 桂花糖水倒入模中(至模具約1/2高度),放入雪櫃雪約30分鐘至凝固後,倒入椰汁紅豆漿,雪約1小時至凝固,(可重複以上步驟做出多層效果),即成。

2011年1月25日星期二

步步高陞

又係營養IQ題開估的時間了~

多謝大家的參與啦!要大家久等久等,真不好意思! 看過大家的答案,今次進步多了,不枉我平日在專欄、電台及網誌同大家分享分享的苦心,簡直係老懷安慰~~

新年又到,如果再不了解吓糕點的營養價值,我擔心大家真係過肥年囉!所以今日就同大家研究吓新年其中一位主角--糕點。

好啦! 重複吓今日的問題先,新年最常見的糕點包括椰汁年糕、蘿蔔糕、馬蹄糕及芋頭糕,若果進食份量一樣,用同一份量油去煎,而且材料是適中標準的,即是芋頭糕同蘿蔔糕都係用坊間最正常份量去做,佢哋嘅熱量由高至低應該點排?

我唔再賣關子喇~都係用100克去計,最高熱量係椰汁年糕241卡>芋頭糕171卡>蘿蔔糕135卡>馬蹄糕118卡。

點解呢?教大家去分析先,可能大家會覺得蘿蔔糕同芋頭糕都有臘味,而臘味脂肪高唔係應該最高咩?但記住啦!另一個要考慮的因素,係份量比例問題,年糕的主要材料係糖糖同糖囉~椰汁年糕仲要有椰汁,所以佢當選最肥年糕係實至名歸,跟住就要睇吓蘿蔔糕同芋頭糕,其實大家嘅做法可以話係差唔多,不過只係睇材料屬於邊個食物組別就可以分高低,蘿蔔糕的主要材料係蘿蔔,蘿蔔屬於蔬菜,芋頭屬於五穀,點樣計都一定係蘿蔔低熱量D啦!好喇! 最低熱量就係馬蹄啦! 佢纖維高熱量低,雖然都有加糖,但由於馬蹄本身有少少清甜,而且佢有無臘味,所以佢係最低卡的。

大家咁叻,送大家一個由尚營坊營養師Nicole親自研製的低卡足料蘿蔔糕俾大家過年啦!


元貝運財蘿蔔糕
材料 (1x6.5”底份量, 約6人份量):
白蘿蔔 2斤 (1200克)
粘米粉 125克
粟粉 1湯匙
香菇 10顆
乾貝 10顆
蝦米 15顆
油 2茶匙
蠔油 3湯匙
胡椒粉 2茶匙
蔥粒 1湯匙

做法:
1. 把蘿蔔刨成絲,留著蘿蔔滲出的水備用。
2. 乾貝及蝦米泡水約15分鐘後蒸約二十分鐘,把乾貝撕成絲,留下乾貝水備用。
3. 燒熱鑊,下油,加入蘿蔔絲並炒至軟身,熄火後加入蠔油及三湯匙乾貝水。
4. 燒熱鑊,下油,炒香香菇粒、乾貝絲及蝦米,加入蘿蔔絲並拌勻,下胡椒粉調味,即成蘿蔔糕餡料。
5. 拌勻粘米粉和粟粉,隔著篩子慢慢加進蘿蔔糕餡料內拌勻。
6. 把所有材料倒入已掃油之糕盤內,隔水蒸約四十分鐘,最後加上蔥花點綴。

2011年1月22日星期六

油醬奶占

多士係茶餐廳美食的經典食物之一,亦是很多朋友下午茶的摯愛,但嚐多士又少不了一點點的醬料,在眾多醬油中,需減磅的你又如何選擇呢?

多士的伴侶包括牛油、花生醬、煉奶及果占四種,要決定那種熱量較高當然要看看它們的糖份跟脂肪吧!畢竟醬汁的致命傷就是這兩個元素。
你們心目中有否一個肯定的答案呢?
根據他們的熱量,由高至低排列分別是最高熱量(每一湯匙計)的是牛油102卡>花生醬94卡>煉奶59卡>果占48卡,個答案係咪有D唔知驚定喜呢?因為好多朋友都以為煉奶肥過花生醬,但係其實花生醬是熱量較高的,知唔知點解呢?因為如果那種食物脂肪高,是比糖份高更影響總熱量的,因為1克糖是4卡的,而1克脂肪是9卡的。
但當然啦!這個答案是根據1湯匙份量計算的,如果你那份是厚切牛油多士熱量就不只102卡了。戰友們,真的要吃多士的話,選果占更佳~~
這個是他們的糖份及脂肪的含量表:
牛油 (102卡)11.5克脂肪及0克糖份
花生醬(94卡)8克脂肪及1.5克糖份
煉奶(59卡)1.6克脂肪及10克糖份
果占(48卡)0克脂肪及8.6克糖份

2011年1月19日星期三

你都幾食得喎!

星期日,同靚媽嘅中學同學食飯,我哋果晚打邊爐,由於我減緊肥,所以我一早就食個烏冬打底先,等個胃飽飽哋,無咁易食多嘢!

跟住我又食上海麵啦!魚蛋啦、豆腐、雞肉、雞肶菇、仲有菜咁,其實由頭到尾都食唔停!坐我隔離個AUNTIE一邊望住我食,就問我:「你都幾食得喎,平日點Keep Fit 架!食咁多都可以瘦?」其實我次次同陌生人食飯佢哋都覺得我食好多嘢!攪到我鬼咁尷尬~

其實而家好多人都仲覺得奇怪,點解這個星期見我減肥,都好似有好多嘢食咁!其實呢?減肥主要要減嘅,邊係份量吖!你一定試過食得少去瘦,但係頂多維持到一個Week,跟住又食返咪肥,要減嘅永遠都係油同脂肪同埋肥膏,當然仲有糖啦!點樣減,我成日都講架,一個公仔麵係400幾卡,一個米粉大約200,但大家份量同飽肚感差唔多,就可以省回200卡,這就是減油不減份量了。

但當然要有自己啱份量嘅餐單啦!好似我咁,我就有差唔多1600卡的份量,以上4個就係我前日的飲食日記喇!不過鏡頭後仲有菜同生果未有得入鏡!

知唔知我食咗咩!早餐係煙三文魚比高包,午餐係燒雞長法包,下午茶就飲咗80卡的牛奶咖啡,晚餐就去咗食越南嘢!你哋都見啦,我好少係屋企食飯,(雖然我超想)出街食都比以前多咗食物選擇,但當然要學吓點揀啦!

好啦見我2011年都有新體重目標,我就多D放自己個減肥日誌俾大家參考吓,最少可以識得選擇啦!但份量的話就千奇唔好學足,因為人人唔同,你食這個份量隨時會肥架,但一句講哂,五穀一定要,如果唔係一定餓死你!

2011年1月15日星期六

記住熱身呀~

看倒這隻貓咪在做什麼嗎?

上回到台灣,買了這幅貓咪做熱身的圖畫,她就是要告訴大家,在寒冷的天氣下進行運動,熱身更比平日重要,因為這時候的肌肉處於半睡眠的狀態,熱身就是要告訴肌肉,你要開始工作了,這樣才可減低運動後肌肉受傷的機會呢!

當然,運動後亦應進行Cool Down,令運動時產生的乳酸有效帶離身體,減少肌肉酸痛!

各位戰友,運動促進血液循環,是最佳的暖身方法!

2011年1月13日星期四

單車機上

今日,輪到魔鬼教練黃詩詩同大家講吓運動。

未講之前,望吓上面果位朋友先,好明顯,佢做緊一部唔識行的室內單車機,係就係好似幾勤力,但係上面幅圖,有3個錯處,唔知大家搵唔搵倒呢?慢慢研究吓,講住其他嘢先~

有戰友成日話,個單車機無鬼用,但我可以話俾大家知,我親眼目睹成千人點樣用單車作為減磅運動而成功瘦身,特別是體重較高的朋友,點解?因為單車機是一個相對地不太劇烈的運動,對於體重較高嘅減磅初學者是較為容易適應的呢!最重要是減低膝蓋的負荷,因為佢畢竟是坐著做的運動。講個秘密俾大家知,佢對修大脾及Pat pat的效果更好呢!但大家一定要注意個姿勢有沒有錯!一陣再講。

好喇! 好喇! 開估先,找倒上圖的錯處嗎?
第一‧運動時且穿運動服嘛!佢一身的裝扮好明顯唔係正經做運動啦! 著住咁多衫有咩問題?汗水不能有效蒸發就會中暑,有好多戰友在家運動又不穿波鞋,那麼雙腳便很容易受傷了。

第二‧座椅的高度是十分重要的,好似佢咁明明無咁高就唔好校到個sit位咁高,吊腳的話就好易用錯膝蓋的力量,便會傷膝了,所以你可留意踏單車時,當腿伸到最盡時,應該是微曲的,不可完全伸直。

第三‧上面位朋友明顯沒有專心運動,運動定影相呢?專心對運動的成效是十分重要的,有D朋友成日話踏單車沒用,點解呢?成日HEA住做緊係無用啦! 運動的時候,你必須間中提醒自己正用那組肌肉進行運動,好像單車般,踏出的力量應由大腿發動的,你可以間中將手放於大腿,感受一下肌肉在收縮的,就可以確保運動成效,如果覺得悶可以聽收音機或節奏較快的歌曲,不建議看雜誌或電視,因為你掛住睇根本沒可能踏得有效率的。

記住喇! 瘦身之餘沒運動,成功後就只會回升的。單車機除了是一種減肥的帶氧運動,還是鍛鍊大腿的運動呢! 大腿鍛鍊了以後,便可減低膝蓋負荷,減低膝蓋痛楚。

感謝你

50場過去了,謝謝每一位曾參與過的來賓,希望在過去一年裡,我的每一句說話,曾令你在飲食習慣上有一點點的改變。這個講座,尚有3場就完結了,不過一個講座的完結亦代表我已努力籌備另一個講座,希望再為大家帶來驚喜。

今晚的講座已經全部爆滿,最後兩場的,尚有極少量座位,有興趣的話,可致電2891 0920報名。

17/1(一) 7:15-8:45佐敦童軍中心1114室
20/1(四) 7:15-8:45銅鑼灣中央圖書館地下1號活動室

謝謝!

2011年1月12日星期三

真的是因為減了肥,我才想到跑馬拉松,給自己挑戰...

她...在2009年的某一天決定減去伴著自己多年的肥膏,當時個子150厘米的她,竟有136磅的體重,脂肪已有36.6%;
2010年,剛瘦身成功的她,放下26磅體重,決定給自己生命裡第一個挑戰,報名2010年的馬拉松;
今年,她的體重仍然堅守106,已報名參加2月舉行的馬拉松,而且已參加了挑戰組的她,對自己許下承諾,誓要在1小時內完成10公里。

請細閱...(小妮子的減磅歲月)

第二部分,馬拉松備戰...
訪問後感:訪問進行多於3小時,為了攝下她瘦身後在運動場上的英姿,她跑了最少8個足球場,離開時,她對我說:接受這次訪問,背後最大的動機只有一個,希望透過我的故事,激發身邊人關注自己體重,世上無難事,只怕有心人,說話雖然是老土一點,但這是千真萬確的事實。各位戰友,努力加油,共勉之~~
在此,謹代表經濟日報感謝Michelle的協助,好讓採訪能順利完成,仍希望你及你的家人身體健康。

2011年1月10日星期一

愛心年糕製作班

有沒有想過,在農曆新年前,親手做糕點給你的摰愛呢?而且這件糕點,將會是既健康又美味的!

《愛心年糕製作班》
舉行時間:1月22日(星期六)
時間:(A)2:00PM﹣3:00PM (B)3:30﹣4:30
費用:$80 (包括材料,可一起動手做的)
報名截止日期:1月17日(一)
報名方法:親臨尚營坊銅鑼灣或尖沙咀分店報名
上課地點:尚營坊銅鑼灣分店
查詢電話:2891 0920
教授食譜:阿婆蘿蔔糕及神秘甜甜糕
都係果句,真係得20個位,係就快,記住不接受電話留位的,但建議報名前,先致電查詢報名情況~~~~~~~~~~~~~~~~

明天開始報名喇!!!

咖啡與瘦身

知道大家未能拿倒這份免費報紙Take Me Home,就暫時放在這裡,但由於版權問題,我只會放
一個月,要不然我會被罵的,所以搵人提我delete...麻煩哂~~

保暖瘦身食譜四大個

見倒這個表都有D驚,成個星期都咁凍點算呢?雖然話減肥都可以打邊爐,但係都唔可以天天打啩!所以為咗大家唔好肥住過冬日,今日就介紹幾個既瘦身又暖胃的食譜俾大家啦! 慢慢睇~


真正的保暖食物,有什麼條件呢? 首先,當然要是熱騰騰的,好像上面的番薯,夏天看見它,便已經出汗,冬天呢?就是暖在心,用它作暖蛋也不錯。第二個條件,它必須是含有豐富澱粉質的,因為只有澱粉質,才能給我們即時的能量,所以寒冷的日子,切忌戒飯。當然,另一個加熱的捷徑就是辛辣的食物,嚐辣的話,可加薑絲及指天椒等,暖身一流。

掛住煲仔飯的戰友,可以一試這個... ...

冬菇薑絲蒸雞香飯

材料:
白米 1/2杯(電飯煲的量米杯)
雞腿肉(去皮去骨) 80克
冬菇(用水浸軟) 4隻
薑(切粗絲) 酌量
蔥 酌量
煮飯的水份 適量

雞肉醃料:
生抽(醬油) 1茶匙
老抽 ½ 茶匙
胡椒粉 少許

做法:
1. 冬菇浸軟後,切粒。
2. 雞脾去皮起肉切小件。用醃料醃約30分鐘。
3. 把白米洗凈,放入電飯煲中,加水。看到電飯煲冒出水蒸氣的時候,就是飯滾,立即倒進醃好的雞件及冬菇,蓋好。飯煮好後加薑絲,多焗10分鐘,即成。灑下蔥花,趁熱供食。

如果希望吃一頓較香口的飯,可嚐炒飯......

菠蘿椰菜雞腿肉炒飯

材料:
雞脾肉 40克
菠蘿粒 1杯
洋蔥粒 ¼個
甜紅椒粒 半個
椰菜絲 1 碗

薑絲 少許
雞蛋 1隻
白飯 1碗
油 1 茶匙

雞的醃料:
生抽(醬油) 1/2茶匙
胡椒粉 少許
鹽 少許

調味料:
鹽 ½ 茶匙
醬油 1茶匙
胡椒粉 少許

做法:
1. 雞脾肉去皮起肉切粒,用醃料醃好備用。
2. 菠蘿取出果肉切,備用。
3. 洋蔥及紅椒粒洗淨後切粒,備用。
4. 椰菜洗淨後切絲,備用。
5. 雞蛋去殼打散。
6. 用1/2 茶匙油爆香雞粒至8成熟、然後加入洋蔥粒、甜紅椒粒、椰菜絲及薑絲,然後取出備用。
7. 燒熱油1/2 茶匙,放入雞蛋、白飯、調味料炒透,與上項材料及菠蘿肉同炒勻,便可上碟。

如果比較懶,可以試這個... ....


番茄豆腐雜菇煲

材料:
芋絲 7扎

娃娃菜 2棵

豆腐 1磚
番茄 2個

雜菇 1碗
淘大鮮蝦雲吞 5隻
水 2 碗

脫脂雞湯 500毫升

調味料:
麻油 1茶匙
雞粉 ½ 茶匙
指天椒 1-2隻

做法:
1. 娃娃菜洗淨,切絲,備用。
2. 豆腐洗淨,切件,備用。
3. 番茄洗淨,每個切成四份。
4. 雲吞解凍,備用
5. 將切好的番茄放入瓦煲內,加入脫脂雞湯和水煲滾後,按次序加入娃娃菜、雜菇、豆腐、芋絲及雲吞。
6. 煮十五分鐘後,試味後可適量加入少許麻油雞粉。多煮五分鐘,然後可以將整個煲上食用。可伴以2/3碗白飯進食。

酸辣湯米粉

材料:
米粉 1 餅
豆腐 半磚
蟹柳 4條
芋絲 7扎
銀芽 1碗
金菇 ½ 碗
低脂酸辣湯 ½ 罐
水 適量

調味料:
鹽 1/3 茶匙
胡椒粉 ½ 茶匙

做法:
1. 洗淨豆腐後切件,備用。
2. 洗淨蟹柳及芋絲,備用。
3. 銀芽及金菇切根洗淨,備用。
4. 倒半罐低脂酸辣湯和適量水到煲內,煲滾水後加入米粉,煮到米粉變軟身後將米粉盛到大碗內。(留下煲內的湯底,繼續煲熱)
5. 加入豆腐、蟹柳、芋絲及大豆芽到煲內,煮到大豆芽變軟身,湯底試味後如需要可加入少許鹽及胡椒粉。
6. 將所有材料及湯底倒到放有米粉的碗內,即成。


希望大家合用啦!如果想緊貼我的最新減磅資訊,除了來這裡外,亦可加入我的Facebook Fans Page: Nutsdiary,你就可以第一時間知道最新消息喇~~

2011年1月8日星期六

為雞蛋添營養

這個三色蛋卷是超易做的作品,只是將切好的三色椒碎加入煎蛋中,這樣做,除了令食物色彩斑斕外,更可令食物的維他命增加呢!

2011年1月7日星期五

台北遊記

以下內容,是需要營養師指引的,減磅中的你,若果你覺得自己定力不足,我勸你不要收看,否則後果嚴重!小心小心~

今次到台北,是半公半私的,講過一堂書,其餘的時間就是自己的,還有台灣工作的單位作嚮導,行程真是精采。

大部份朋友也會到位於永康街的永康牛肉麵,她們卻介紹我到另一家,叫老張牛肉麵,個人認為這家較佳,而且有Spicy的選擇,可以試吓。

還有不同的前菜,各有特色的。

不過我還是惦掛著這個大雲吞,是街邊的小店,叫什麼溫洲大雲吞,算是最清淡的一餐了~

清淡過後,是我期待以久的麻死你火鍋,這間是超讚的,太和殿也!平日在香港的只是油油及油,但這個是明顯又香又較少油的,當然你也可以選清湯的,但到外地,試一次也無妨啦!

很多朋友問我水果茶是那家出品,如果你經常到忠孝敦化附近,可以試吓啡弄,但我就真係建議大家去中山區的米朗琪啡廳,這個水果茶是的飲過最好的!

好喇!平日大家去台北逛夜市會到那裡呢?大慨是士林吧!但如果你沒有特別的東西要到士林,我會建議你到寧夏夜市,這裡較多不同種類的食物,好今次最想介紹的就是這位阿哥~

好...(多啦A夢把聲)千奇百趣台北市~~

這位紅帽四眼哥哥攪咩呢?佢竟然用個風筒吹住個痰罐?!唔係啩?

大家估唔估倒佢攪咩呢?而個痰罐入面係咩呢?

開估喇!
真係好新鮮好好味,因為佢D係即煮的活蝦,真係必試!

在胡椒蝦旁邊有檔賣蛋的,超級勁好味,比日本一蘭拉麵那隻更值得推介,我仲買咗幾隻外帶~

俾個牌大家認住,煙燻蛋。
不過如果大家未去過十分我真係好建議大家去吓!這裡是放天燈的地方,我特別喜歡小火車跟小鎮,你看那舊車站及小火車...

穿梭在老街,很美啊!但那天剛好是下雨天,天黑黑的,拍不倒一張好相片,而且太冷了,所以我會再來的!

遊記又點可以沒有人呢?俾埋我個貓樣大家睇~

2011年1月6日星期四

帶我回家﹣有獎遊戲

好喇!又係同大家玩遊戲的時間了,玩開謎面之前,講清楚遊戲規則先。

同上次一樣,我會在這兒放謎面,但大家需要走去Facebook答,所以要我個Facebook Fans Page的番薯先答得,當然我會在Facebook數1...2...3就可以開始答,當然最快估倒答案就可以帶隻海獅娃娃回家。但一人只有一個機會~

仲有仲有,為咗令多D朋友可以得獎,以前參加過遊戲而中過獎的,就唔可以再參加喇!還有我的家人例如我媽媽爸爸細佬細妹表妹表弟都唔參加得,因為你哋已經有一隻好頑皮的「大凱詩」了。我的同事們當然唔參加得啦!因為你哋已經食咗D手信!

都係唔講喇!去圖...

問題係圖中的是什麼呢?唔好在這裡答,快D去Facebook啦!等我個3...2...1 POST之後先答,如果唔係唔算架!

2011年1月5日星期三

送給大家的台灣手信

怕大家Miss咗明晚的遊戲,所以在這裡Post多一次。

這是什麼東東,小娃娃海獅是也,亦即係我啦!在台北工作跟旅遊時,遇上佢,覺得佢很可愛,於是買了一個大的給自己,然後這一個就送給大家,點樣送?我準備了一個考眼力遊戲,明晚9:30會在BLOG公佈,跟住在FACEBOOK數1..2..3後,FACEBOOK 的FANS們就可以猜答案,答中了就俾你帶小海獅返屋企,佢真係好可愛架,裡面有豆豆的。

但都係果句啦!新來的朋友,你必需要係我個FACEBOOK專頁的FANS才可以玩,如果未JOIN,好簡單,網址打http://www.facebook.com/pages/Nutsdiary/168200145689

然後登入自己的資料再按讚好就可以了!記住晚上9:30~~