營養師手記

 終於都到咗書展嘅日子喇！唔知點解，雖然唔係第一次出書，但係，噚晚都有D小學生去旅行前一晚的徵狀，真係奇怪。 好啦！以免大家去到書展搵我個細囝搵得太辛苦，俾D地標大家睇下先，今年經濟日報出版社個攤位高咗！仲有好大本仔仔放高咗，應該容易D睇，行到去1B Hall,個攤位係1B﹣D16﹣D18，應該搵到啩～ 入到去，應該唔難搵。 我今次好照顧大家架，書展開幕之前，已經簽咗好多書，唔信你睇下，放在枱面的，都簽好。就當給大家一個留念啦！亦多謝大家長久以來的支持。 簽到最後一本喇！  仲有呀！在書展買書有小禮物送，記住攞呀！就是這個Folder喇！  今年，出版社仲特別幫我攪咗場講座，唔知你有無報名呢？我好少有星期日的講座架，仲未遲，可以快D報名。Click入去睇清楚D，如果唔係，就打報名熱線：28802998或者去這個網頁 http://www.etpress.com.hk/etpress/supplementarticle.do?id=209 如果你仲想聽講座，仲有辦法。 我個減肚腩講座，就快到500場了，所以，這個月，我會再去到屯門同大家減肚腩，新界西的朋友就唔好錯過喇！ 其實，下個星期可以用瘋顛去形容，我意思係，我個日程表。俾大家睇下。 22/7 （日）書展講座 23/7 (一）同學生們一齊學營養學 24/7（二）減肚腩講座＠荃灣大會堂展覽館 7：15﹣8：45PM 25/7（三）減肚腩講座＠佐敦柯士甸道童軍中心1030室 7：15﹣8：45PM 26/7（四）減肚腩講座＠銅鑼灣中央圖書館地下1號活動室 7：15﹣8：45PM 28/7（六）減肚腩講座＠屯門大會堂演講室二 1：15﹣2：45PM 好啦！如果有興趣去參加就打留位熱線啦！28910920。 希望我的銀霸皇電芯可以支持到這個密麻麻的日程。

看過今天的專欄，就帶大家到這個即食麵工作坊，由我黃詩詩帶隊，希望看過後，大家一睇難忘。準備好就開始～ 材料如下：有麵粉，水及最重要的油，如果唔係，個一丁麵就無咁好食啦！ 然後，當然要混合D材料啦！成手都係油！！ 我果日，就係同好多日本小朋友一齊玩，覺得自己年輕了20年。 我這個咁可愛嘅Look相信大家一定無見過，俾大家笑下喇！但這張相是想告訴大家，麵粉做成麵糰後，就要擀開。 再開入這個做麵的機器了。 工作人員會不停調校個擀平的力度，重覆又重覆咁，但原來擀平幾多次同力量多少是秘密，因為這樣會影響麵質及口感的。 好似一 匹布咁長的麵。 跟住就切麵了。然後，麵會拿去先蒸熟。 唔係啩！蒸完又加油，仲要每一條麵都被沾滿油，很香的，是麻油。 大功告成！到最恐怖的一部份，就是炸麵了。 熱油中的即食麵就是這樣子。 炸完了。 朋友東尼就在這時候，走開了。 這位哥哥好小心咁將個麵放好。 圖中的即食麵，就是我黃詩詩出品的。 所以話呢！即食麵這東西，都是敬而遠之，但這個地方，真係好值得去參觀下，是一個不錯的體驗。 離開前，當然要同這隻小雞影張相留念啦！ 這個日清杯麵博物館不難去的，就在鄰近東京的橫濱，距離新宿大約一小時的電車車程。 這是他們的地址： http://www.cupnoodles-museum.jp/guide/01.html 如果想好似我咁親手做即食麵，是需要預約的。Click入去睇啦！暑假期間就早少少預約，因為好多日本家庭都喜歡帶小朋友去玩架！ 仲有，最好找一個懂日文的朋友幫你book,因為中文及英文網頁也是不能預約做麵的。 http://www.cupnoodles-museum.jp/attraction/06.html

2012年度著作《瘦出滋味》 已經是第六部個人著作，但這次，我會用一波十折，驚濤駭浪去形容，箇中發生了什麼，已不重要，因為什麼也已經過去，結果是美麗而完滿，已心滿意足。 我不知道，平日你們看我的新書時，會否由我那個序開始，但今次，我希望你願意花上數分鐘，停留在那裏，那個序，是一封我寫給你們的信，我希望透過這裏，告訴你們我心裏的一些情感。 這隻小米路，不知陪伴了我多少個晚上，終於還是睡著了 大毛也在投訴貓奴沒有幫牠按摩 「瘦出滋味」，除了結集了過去一年我在 am730 刊登過的文章，這次，我還會帶你吃盡日本、韓國及台灣三個鄰近香港的地區，希望藉著我的旅遊筆記，跟大家分享我的旅行點滴外，亦透過旅行中的所吃所聞，為你們分享更多有關營養飲食趣聞。 此外，那個有我、大毛及小米路的封面、封底及所有摺頁，也不要錯過，先送上這一個可愛封面，其實，這是一個故事之開始，結局如何，讓我賣一個關子，待書展時，你自行打開我的新書，觀看那果結局，你一定跟我一樣，會會心微笑。 YONA設計師筆下的封面構圖 7 月 22 日，書展期間的那個週日，下午二至四，在灣仔軒尼詩道 15 號溫莎公爵社會服務大廈 1 樓禮堂，是我第一次這麼大型的新書發佈會，我當然希望你能來到這兒，分享我的喜悅，我亦會跟大家親自講述，一些瘦身的小故事。 報名熱線： 28802998 詳情也可 click 入這個網頁瀏覽。   http://www.etpress.com.hk/etpress/supplementarticle.do?id=209 在這裡，我要忠心感謝不停被我威迫、威脅及威嚇的編輯大人 Ivy ，社長石 sir ，各美術部同事及可愛的黃詩詩、大毛及小米路設計師 Yona 小妹妹。感激！

夏天嘅胃口通常都唔好，所以都係決定在am730個專欄教大家做沙律。 做法很簡單的，可到www.am730.com.hk瀏覽今天廚神的專欄。 食譜上的份量，剛好是三份五穀及兩份肉類，相信很適合部份戰友的餐單。 但這個沙律的重點，應該是蛋黃醬，但蛋黃醬實在是太高熱量了，幸好現在有瘦身成功的蛋黃醬，我在Market Place買的，BB牌子的蛋黃醬也有減肥版的，我在CCsuper也見過。 減磅進行中，一次用1湯匙，Keep Fit的話，2湯匙也可以。 減肥前的蛋黃醬大約有60卡架。

我記得架！我記得我在面子簿講過，會將之前果個超軟麵包嘅食譜同大家分享，所以，決定今晚兌現咗佢。 上面張相，就係今晚的材料。 250克高筋麵粉，我試過，這隻牌子不錯的。 跟住，當然係包麵粉左手邊杯水，有180毫升， 個三兄弟小碟裡面，係左面的18克牛油、15克糖及4克鹽。 做麵包不能少的當然還有3克的酵 母。 跟住就當然要將材料都放進麵包機中。 我就叫咗佢，明天9時正做好麵包叫我起身。 因為，這部機是有時間掣。 其實，而家好多朋友都鍾意自己做麵包，但我發現有一個問題，就係這些自家製的麵包，密度都會較高，換言之，就算方包的大小跟坊間的大小相約，但由於密度較高，熱量會隨之而上 升，所以，最好根據食譜計算下每塊麵包包含多少碳水化合物才吃，先唔會愈食愈肥。 我就計咗以上食譜每塊麵包有113Kcal，想知點計，明天再教大家。因為，我要瞓喇！

有無諗過，如果有一日，你喺飲食日記上面寫上你食完星洲炒米同白汁焗意粉，營養師唔會對住你囉囉唆唆呢？ 而家有機會喇！仲可以親手做~ 我同阿廚神Thomas，打算喺下星期三，同大家一齊做以下兩款無人諗過減肥都食得嘅食物，平日淨喺識煮湯米粉嘅戰友，就唔好錯過喇！ 焗意粉大戰炒米粉 DIY菜式：白汁雞皇焗意粉及星洲炒米 日期：6月27日(星期三) 時間： 晚上7-8:30 地點：九龍油麻地廟街2﹣8號昆鏡大廈2樓，港九酒樓茶室總工會，油麻地地鐵站C1出口 費用：尚營坊會員價$300，其他參加者 $330(  已包括材料費用，二人一爐) 報名日期及方法：即日開始電話留位， 報名熱線：2992 0148 電話留位後，請於一個工作天內，到任何一間尚營坊分店以現金繳交學費，即是說，你今天留位，明晚8時前需繳交費用，逾時的話，位置會讓給另一位朋友。尚營坊開放時間為週一至週五，11:30-20:00;週六11:00-16:30。

 我知道仲有D朋友想學包糉但又報唔到，所以我打算在這裡嘗試下教大家。點解話嘗試下，因為真係未必可以將咁複雜嘅包糭手法教到大家囉！ 望下我前面這堆食材先。 當然要有糉葉啦！即是竹葉，在乾貨舖就有得賣架喇。 最重要的材料，當然係開邊綠豆同糯米。但係你要介紹健康糉喎，點解有糯米呢？好多朋友都覺得糯米係好肥，事實上，大家都誤會咗佢，糯米嘅熱量同白米係一樣的，只是糯米經常用來做一些高脂食物的食材，所以大家就錯覺糯米係肥膩的。  竹葉買回來的時候是乾乾的， 所以包之前係要烚的，要烚幾耐，大約20分鐘啦！竹葉軟身就可以了，如果唔係，包嘅時候好容易斷的。 送個食譜俾大家睇下先啦！ 材料 (4 隻分量 ) ： 做法 ： 糯米   1 碗 綠豆  1/2 碗 鵪鶉蛋 2 隻 雞肉 80 克 冬菇 2 隻 瑤柱 2 粒 大蝦米 4 隻 竹葉 16 片 咸水草 10 條 油 2 茶匙 鹽 2 茶匙 水 1 碗 蒜蓉 2 茶匙 五香粉 1 茶匙 雞肉醃料： 五香粉 1 茶匙 豉油 1 茶匙 做法： 1.      將鹽加及五香粉入水中，製成鹽水。 2.      用鹽水浸糯米半小時；用清水浸綠豆半小時，備用。 3.      把雞肉洗淨，瀝乾，切絲，用醃料將雞肉醃好，備用。 4.      瑤柱及蝦乾浸至軟身，撕細，備用。 5.      冬菇浸軟，去蒂，切成四角，備用。 6.      鵪鶉蛋烚熟，去殼，切半，備用。 7.      燒熱鑊，下蒜蓉及油，炒熟雞肉、瑤柱絲、蝦乾粒及冬菇絲，盛起，備用。 8.      將竹葉及咸水草灼 30 分鐘至軟身。 9.      將 4 片竹葉鋪開...